أنا مصري (زجل).

أنا مصري ..

أنا مصري ورافع راسي ..

رافع راسي ..

عشان الظلم على أرضك ..

بقى واضح .. بقى واقع ..

بقى على ضفتين نيلك هنا راسى ..

فمش هقدر ..

أشوف دمعك..

بينزف حزنك الدافي على حضني ..

على قلبي وإحساسي ..

ما أنا منك إفتكري ..

ده أنا إبنك البكري ..

وأنا من نيلك إتعلمت ..

أكون فخور بإخلاصي ..

أنا مصري ..

أنا مصري ورافع راسي ..

رافع راسي ..

عشان يا حبيبتي مش هقدر ..

أبص لأرضك الغاليه ..

و أشوفك يوم بتنداسي ..

ده أنا من تاني أقولهالك ..

أنا منك .. وهنا حبي ..

هنا عرضي .. وهنا أرضي ..

وهنا فاسي ..

يا عمري يا كل أحلامي ..

يا أهلي وعشرتي وناسي !